Viðskiptavinir okkar geta skannað öll bókhaldsgögn með símanum og sent þau rafrænt með öruggri skönnunarlausn beint inn í bókhaldskerfið. Einnig er hægt að áframsenda reikninga sem berast með tölvupósti á sérstakt netfang sem flytur gögnin sjálfkrafa inn í kerfið.

Með þessari leið minnkar hættan á að kvittanir eða önnur bókhaldsgögn týnist, gögnin berast tímanlega til bókarans og engin þörf er á að gera sér sérstaka ferð með pappírana.

Viðskiptavinir okkar sem kjósa að skila inn gögnum í pappírsformi eru þó ávallt velkomnir á skrifstofuna okkar.

Við leggjum okkur fram við að veita persónulega og trausta bókhaldsþjónustu með góðu utanumhaldi og skýrum ferlum. Hver viðskiptavinur hefur mismunandi þarfir og því reynum við að finna þá lausn sem hentar best fyrir hvern og einn til að tryggja áreiðanlegt og skilvirkt bókhald.